Já...það er aldeilis framistaða í blogginu.....síðasta færsla hér jú "Júlí hálfnaður"!!!!!!!!!!!!!!
Það er allt ljómandi gott að frétta héðan Ég er ennþá í fæðingarorlofi jú en það fer að líða að því að maður fari að vinna aftur Vá, það verða viðbrigði.....hætti að vinna 5. október í fyrra þannig að það er nú þegar komið rúmt ár síðan ég var í vinnu síðast!!
Karen Mjöll fer á leikskóla í janúar, fer á einkarekinn leikskóla sem er hér rétt hjá.....og vá hvað ég kvíði fyrir þessu öllu saman!!!!
Sigurgeir fer í fæðingarorlof eftir mánuð...eða 5. desember og verður í því til loka janúar, algjör lúxus bara Hann ætlar einmitt að sjá um Karen Mjöll í aðlögun og svona.....er ekki viss um að mitt litla hjarta ráði við þetta allt saman...ómægat!!!
Svo fer bara að líða að 1 ÁRS AFMÆLI SKVÍSUNNAR.....bara rétt rúmur mánuður í afmælisdaginn Jahérna hvað þetta hefur liðið hratt....er bara ekki að trúa því að hún sé að verða eins árs!! Ætlum að hafa afmælisveislu hér 6. desember, bara 4 vikur í´það já þannig að húsmóðirin á heimilinu þarf nú bara að fara að baka!!!! Híhí
Næsta helgi er nú bara róleg og fín, ekkert svona sérstakt um að vera....en svo eru allar helgar fram í miðjan desember uppteknar!!! Vó.....það er laufabrauð með tengdafjölskyldunni 15. nóv,...svo erum við Sigurgeir í brjóstsykursgerð og konfektgerð 22. og 23. nóvember og systir hans og vinkona hennar ætla að vera með í því. Helgina eftir það eru tengdó 55 og 50 ára....og svo er bara kominn desember og þá er afmælisveislan hér
Þannig að það er heldur betur nóg að gera hjá okkur
Ég fór á skemmtistað  í djammgírnum sl. laugardagskvöld með Nönnu minni.....vá, þetta er í fyrsta skiptið í rúmlega 2 ár sem ég fer á skemmtistað að dansa og hafa gaman!!!!!Shit hvað er langt síðan...við fórum sem sagt á Players á Júróbandið og vá hvað var gaman Ég var rosa fín bara og ég tala nú ekki um þegar við skoppuðum svo bara út í bíl eftir ballið!!! Það var mikið horft á eftir okkur þar sem ég var jú edrú og bara bílandi....held svei mér þá að ég hafi verið ein af svona 4 edrú manneskjum þarna!!!!!!!!! hahahahaha....hinir voru í afar misjöfnu ástandi !!!
Jájájá...ég held að ég hafi ekki meira að segja í bili...enda veit ég svo sem ekki hversu margir eru að lesa þetta hehe
Ég ætla mér nú að skrifa meira hér en ég hef gert....en svo er alltaf líka eitthvað á barnalandi
Kveð í bili
Sunna Brá.

Jæja, hvað segið þið þá!?!?!
Ég er ekki að trúa því að júlí sé hálfnaður!! Bara næ því ekki.....er það aldurinn sem gerir það að verkum að tíminni líður svona hratt?!???!?!...og svo kannski það að maður er með litla dömu til að hugsa um og bráðna yfir híhíhí.....þetta er alveg ótrúlegt. Karen Mjöll orðin rúmlega 7 mánaða....hún verður 1 árs áður en ég veit af....og verður farin að svara mér og okkur fullum hálsi fyrr en varir! Jahérna segi ég nú bara!!!
Það er allt ljómandi gott að frétta af okkur Við mæðgur teljum niður dagana í að Sigurgeir fari aftur í frí Hann fer í frí eftir föstudaginn og verður í 2 vikur Við ætlum ekki að fara neitt...bara vera heima hjá okkur og njóta þess að vera saman Fara í labbitúra og spóka okkur bara. Jeeiiiii
Við erum svo að fara í brúðkaup á laugardaginn Mín elskulega Sólrún Ásta er að fara að gifta sig Þetta verður án efa voða gaman, íslenskt/færeyskt-brúðkaup Alltaf gaman að sjá eitthvað nýtt Það er búið að redda fötum á Sigurgeir og Karen Mjöll....en ég er í bölvuðum vandræðum!!! Voðalega lítið sem ég á sem að hentar brjóstum með mjóllk í og lítið sem hentar til að fara að gefa í....nema ég klæði mig alveg úr að ofan...og ekki geri ég það í virðulegu brúðkaupi hehe...sæi mig samt alveg í anda Sigurgeir leigir sér bara jakkaföt og ég keypti kjól á Karen Mjöll Þannig að þau verða voða sæt og fín....en ég verð kannski bara ber!! híhíhíhíhíhí
Svo á mamma mín nú afmæli á laugardaignn líka Og á laugardaginn er akkúrat eitt ár síðan við fengum íbúðina okkar afhenta Híhí...já, tíminn líður hratt! Og svo á þriðjudaginn að þá eigum við Sigurgeir sambandsafmæli Jebb, þá erum við búin að vera saman í 8 ár takk fyrir!!!!!!!!!!!! Vá hvað er stutt í áratuginn!!! Ussssss....hehe...gaman að þessu
Jæja, held að það sé komið nóg af bulli í fréttaleysinu héðan Vildi bara aðeins láta vita af okkur
Ég er svo búin að setja inn nokkrar valdar myndir í myndasafnið sem er efst til vinstri hér á síðunni
Hafið það gott og ég skrifa meira seinna
Kveðja,
Sunna Brá.

Góða kvöldið allir
Jæja, ætli maður reyni ekki að halda þessu bloggi eitthvað gangandi.
Sigurgeir er búinn að vera í sumarfríi núna í 2 vikur og við skruppum til Akureyrar í eina viku Það var bara ótrúlega fínt að komast aðeins út úr íbúðinni og fá smá tilbreytingu
Fórum á miðvikudegi og leigðum bara íbúð VR á Akureyri. Allt gekk ljómandi vel og Karen Mjöll var bara eins fullkomin og hægt var að hugsa sér. Yndislega góð og maður fann varla fyrir því að maður væri með rúmlega 6 mánaða gamalt barn með sér Gæti ekki beðið um það betra
Fórum á ættarmót á Húsabakka í Svarfaðardal. Kíktum bara í nokkra klukkutíma á laugardeginum og sögðum hæ við ættingja
Okkur var svo boðið í mat á sunnudeginum til Evu Rutar, Jóns Ævars og Emblu Eirar, en hún varð einmitt 5 ára þann dag Horfðum á úrslitaleikinn í EM og þetta var bara æði
Svo voru bara heimsóknir hægri vinstri og nóg að gera í þeim. Fórum í mat til Beggu sys og fjölskyldu og svo fórum við Begga og Mæja sys og mamma á Amor í kakó eitt kvöldið
Þannig að Akureyrarferðin var bara mjög vel heppnuð í alla staði fyrir utan að það var rigning nánast alla dagana!!! En maður á ekki að kvarta yfir því...bara klæða sig betur
Sigurgeir fer svo aftur að vinna á morgun ....en samt bara í tvær vikur og þá fer hann aftur í tveggja vikna frí og þá ætlum við að vera bara heima í borginni Hlakka til
Held þá svei mér þá að tilkynningarskyldunni sé lokið í bili
Það kannski telst til frétta að dökka, síða hárið mitt er farið!!! Er komin með frekar stutt hár núna og ljóst er það orðið!! Getið séð myndir á barnalandi ef þið hafið áhuga á breyttri Sunnu Það var kominn tími á breytingu...lenti nú bara í því um daginn að einhver vel fullorðin kona hélt að ég væri að 14 ára barnapía Og ég er ekki einu sinn að grínast eða ýkja neitt með þetta!!!! hehehehehehe....þá var kominn tími á mig á hárgreiðslustofu!!! Híhíhí
Endilega verið svo dugleg að kommenta
Kv.
Sunna Brá.

Já góða kvöldið gott fólk
Jæja, þá er kominn 10. júní...bara allt að gerast...sumarið varla byrjað og maður er strax farinn að sjá fyrir endann á því Tíminn líður náttúrulega fáránlega hratt....því til stuðnings get ég nú sagt ykkur að hún Karen Mjöll okkar er 6 mánaða í dag!! 6 mánuðir síðan ég kúrði með henni og Sigurgeiri á Hreiðrinu fyrsta dag Karenar utan bumbunnar Oooh, þetta var svo yndislegt....og er í dag bara það yndislegasta sem hugsast getur - foreldrahlutverkið
En já...ég ætti kannski að geyma væmnina og losa um hana annars staðar hehe
Ég get svo sagt ykkur pínu fréttir Ég er byrjuð í skóla Já, sumarönnin byrjaði í dag og ég er bara búin að glósa á fullu
Ég er semsagt að taka 6 einingar á sumarönn í fjarnámi við Fjölbraut við Ármúla Er í líffæra-og lífeðlisfræði og heilbrigðisfræði Fer svo í fjarnám í haust frá VMA og tek þá um 15 einingar auk 6 eininga í dreifnámi (blanda af kvöldskóla og fjarnámi) frá Fjölbraut í Breiðholti Jebb, pínu ruglingslegt og frekar mikið að gera og gerast!! Haldið ekki að skvísan ætli bara að taka sjúkraliðabrautina 1, 2 og 20....næ líklegast að klára allt bóklega næsta vor ef vel gengur Verða reyndar eftir 2 bóklegir áfangar en þeir eru kenndir með verklegu þannig að það er í lagi Vona bara að þetta gangi upp í haust eins og var búið að setja upp núna í maílok Verð að krossa fingur og bið ykkur um að gera það með mér
Þannig að það er allt að gerast þessa dagana....mjöööög skrýtið að vera farin að glósa og læra eitthvað...híhí...hef ekki gert það hrikalega lengi!! Og hvað  þá að vera í fjarnámi og allt fer fram í WebCT Svo er sumarönnin svo stutt...bara 8 vikur Þannig að þetta verður strembið og annar áfanginn sem ég er í ekkert alveg sá auðveldasti En ég ætla mér bara að rúlla þessu upp....og hana nú!!!
Svo líður að því að Sigurgeir fari í sumarfrí Jeiiiiiii Tekur 2 vikur núna og vinnur svo 2 vikur  og fer aftur í 2 vikna frí Og eftir það frí er kominn ágúst!!!!!!! Sagði ykkur það...sumarið er bara að verða búið! Fáránlegt!
En það er nóg að gera....búið að bjóða okkur í eina útskrift (sem er búin), eina stúdentsveislu og þrjú brúðkaup!!!! Hvað er málið með það??? Híhíhí...en það er náttúrulega bara gaman að vera boðinn í svona viðburði....erum voðalega ánægð með það En því miður getum við ekki farið í allt saman. Við förum öll 3 í brúðkaupið hennar Sólrúnar í júlí, en svo förum við Karen Mjöll bara tvær í brúðkaupið til Péturs og Siggu í ágúst Sigurgeir er rétt farinn að vinna þarna En þetta verður bara gaman
Jæja, nóg af röfli frá mér....allavega í bili
Kveð að sinni,
Sunna Brá.

Já, ég er svona að reyna að endurvekja þetta blessaða blogg Veit svo sem ekki hvort að fólk er búið að fatta það...en það hlýtur að koma
Allt gott að frétta héðan. Júróvisíon-helgin ógurlega liðin...14. sætið já....finnst þau hefðu alveg átt skilið að vera ofar og Rússar...Rússar my ass að vinna!!! Það var fullt af öðrum lögum þarna sem voru betri en Rússalagið!! Mér finnst líka að Danir hefðu mátt vera ofar og Bosnía hefði mátt vera miklu NEÐAR!!! En svona er þetta bara í dag..lagið skiptir ekki öllu heldur landið sem flytur það!! Ömurlegt! En það góða við þetta allt saman er að við vorum þó ofar en Svíar Jeiiiii
Ég átti svo reyndar 5 ára stúdentsafmæli á laugardaginn (24.maí) Já, ótrúlegt en satt. Það var einmitt líka júróvisíon þegar ég útskrifaðist...Birgitta Haukdal var þá FInnst nú bara nokkuð merkilegt að það séu liðin 5 ár frá útskriftinni...maður ætti kannski að fara að skella sér í nám
Svo er jú 26. maí í dag....og þessi dagur fyrir 8 ÁRUM var svei mér örlagaríkur á margan hátt!! Við Gústa mín lentum nú í okkar fræga árekstri!! Og "afleiðingin" af honum var svo meðal annars Sigurgeir híhí Þar sem ég var nú óvinnufær þetta sumar fyrir 8 árum þá fór ég að hitta Sigurgeir ásamt fleirum og við vitum nú hvernig það endaði hehehehe
Svo ég haldi áfram að telja upp merkilega daga...að þá er 27. maí á morgun og þá eru 3 ár síðan við Sigurgeir trúlofuðum okkur Jebb Við munum nú ekki gera neitt í "tilefni" þess....rétt svo að ég mundi eftir því í gær!!!! Híhí....förum nú kannski út að borða þegar við eigum sambandsafmæli í sumar! Híhíhí...kannski
Jæja, ég ætla að hætta þessu blaðri..það les þetta hvort sem er enginn!! Híhí....en það er könnun hér til hægri sem ég skora alla á að taka þátt í!!!
Kveð í bili
-Sunna Brá-

Jæja...þá er kominn 13. maí!! Ótrúlegt alveg hreint hvað tíminn líður!
Ég er nú þegar orðin árinu eldri og nokkrum dögum betur....25 ára, hmmmm, finnst það nú eiginlega hálf-furðulegt.
En ég held nú bara svei mér þá að sé nú á nokkuð góðum stað í lífinu nú þegar ég er orðin 25
Ég á litla, yndislega 5 mánaða stelpu, ég á yndislegan unnusta, við eigum okkar eigin íbúð, erum bæði í góðri vinnu og eigum frábæra fjölskyldu...er hægt að biðja um eitthvað meira?!?!?! Held bara ekki
Og talandi um að tíminn líði hratt....við Sigurgeir eigum 3 ára trúlofunarafmæli núna í lok maí og í júlí verðum við búin að vera saman í 8 ár!!! 8 ár....er ekki alveg að skilja það hehe...ég var bara 17 ára písl þegar við byrjuðum saman...jahérna og nú á ég systurdóttur sem er að verða 17 ára!

Svo er maður alltaf að hugsa um eitthvað nám...eða við bæði....hálf-asnalegt að vera ekki kominn í neitt nám...sérstakelga þar sem það eru 5 ár núna í maí síðan ég varð stúdent!! En þetta verður bara að gerast þegar það gerist....get allavega sagt að ég væri ekki til í að skipta á námi fyrir það sem ég hef í dag....það er svo yndislegt að vera mamma
Kveð í bili,
Sunna Brá.

Jahérna....ef að þetta er ekki snilld þá veit ég ekki hvað.!!!!!
Ég sá frétt á Vísi.is og ákvað að kynna mér hana betur á youtube.com.....og ég sé sko ekki eftir því!!!
Þetta er fréttin fyrir ykkur sem viljið sjá þetta...mæli með því!!! 
http://www.visir.is/article/20080412/LIFID01/589317595/-1/LIFID

Og hér er svo afraksturinn:
http://www.youtube.com/watch?v=sIQrBouWRiE

Mér finnst þetta allavega fyndið og bara ótrúlegt hvað hægt er að gera og hvað fólk er tilbúið að gera....bara "for the fun of it"!!!!!!!!
Njótið
Kv
Sunna Brá.

Halló, halló.
Ég ætlaði nú reyndar að blogga í fyrradag, þann 18. mars, en bara steingleymdi því Hehe
Mig langaði bara að blogga á þeim degi sem dóttir okkar Sigurgeirs varð til Hehe....hljómar furðulega en er það samt kannski ekki!! Við sem sagt fórum í tæknifrjóvgun á Art Medica þann 18. mars árið 2007 og Karen okkar Mjöll varð til þá Finnst þetta svo merkilegt að það hálfa væri nóg. Ég skrifaði meira um þetta á barnalandið fyrir þá sem vilja lesa væminn pistil Hehe
Annars er bara allt ljómandi að frétta. Njótum skírdagsins í botn hér heima fjölskyldan Svo gott að hafa Sigurgeir í fríi í miðri viku og nokkrir dagar eftir!!! Erum bara búin að vera í letikasti í dag á meðan Karen Mjöll var úti í vagni og tókum meira að segja forskot á sæluna og fengum okkur eitt af páskaeggjunum okkar
Segi bara gleðilega páska og hafið það gott yfir helgina
Kv.
Sunna Brá.

Já, já....tíminn líður aldeilis hratt. Hann Sigurgeir minn á barasta afmæli í dag
Hann er þá hér með orðinn nær þrítugu en tvítugu kallinn!!! Finnst þetta ótrúlega skrýtið...hann var nú bara 18 þegar við byrjuðum að vera saman Er þetta hægt!
Við mæðgur erum búnar að undirbúa aðeins handa kallinum. Karen Mjöll ætlar að vera í fínum kjól þegar hann kemur úr vinnunni og gefa honum pakka frá sér Sigurgeir ætlar svo að grilla í kvöld og svo er ég með óvæntan glaðning í eftirmat...verð með köku og kerti Held að þetta verði bara voða gaman...fyrsta skiptið afmæli í litlu fjölskyldunni okkar
Annars er lífið bara ofsalega ljúft Karen Mjöll svo dugleg að sofa úti og ég dugleg að fara í labbitúra í hvaða veðri sem er held ég  Hehe.....þannig að maður er nú eitthvað að brenna hitaeiningum þessa dagana...um að gera áður en maður byrjar í ungbarnasundinu hehe
Bara smá update í tilefni dagsins
Kv.
Sunna Brá

Halló, halló.
Jæja, það er bara allt ljómandi gott að frétta af okkur Fjölskyldulífið er bara afar ljúft og gott og þetta er bara óendanlega gaman.
Karen Mjöll er bara eins fullkomin og hægt er að vera...svo ótrúlega góð og svo náttúrulega svo ofsalega falleg stelpa Hún stækkar bara og stækkar og það er alveg rosalega gaman að fylgjast með henni
Sigurgeir er að fara að vinna á morgun, fyrri hluti fæðingarorlofs hans er bara búið-6 vikur já takk!! Þetta er fljótt að líða.
Þannig að nú verðum við mæðgur bara einar á daginn....vona að ég reddi því hehe
Langaði bara aðeins að gefa smá update og benda á að það er komin skoðanakönnun hér til hægri Endilega takið þátt
Segjum þetta gott í bili,
Sunna Brá, Sigurgeir og Karen Mjöll

Halló, halló.
Jú við erum á lífi og gott betur....erum sprelllifandi og svo mikið um að vera Foreldrahlutverkið er bara það besta í heimi og þetta er allt svo gaman og spennandi.
Daman er jú komin með nafn, Karen Mjöll, skírðum hana í gær og dagurinn var bara frábær í alla staði.
Vildi bara aðeins koma með smá update, annars eru frekari fréttir á barnalandssíðunni
Kveðjum í bili,
Sunna Brá, Sigurgeir og Karen Mjöll.

Já, það verður bara stutt í þetta skiptið
Ég er ekki viss um að ég verði mjög virk á blogginu  næstu vikurnar Enda höfum við tekið að okkur foreldrahlutverkið sem tekur sinn tíma....mun setja reglulegar færslur inná barnalandssíðuna
Þannig að ef þið viljið eitthvað fylgjast með næstu vikurnar, þá er bara að kíkja á síðuna hjá dömunni
Annars óska ég ykkur gleðilegra jóla og farsæls nýs árs
-Sunna Brá og fjölskylda -

Halló, halló.
Jæja, þá er bara kominn desember og ég er ekki alveg að ná því Tíminn hefur liðið fáránlega hratt skal ég segja ykkur og þetta ár bara að verða búið.

Það er svo sem ekki mikið að frétta héðan...var mikið um að vera í nóvember hjá okkur-miður skemmtilegt reyndar-en svona er lífið stundum.
Það byrjaði á að móðursystir mín dó mjög skyndilega eftir heilablóðfall og 6 dögum seinna dó amma Sigurgeirs....þannig að það voru tvær jarðarfarir í sömu vikunni. Ég reyndar komst ekki norður með Sigurgeiri og hans fjölskyldu á jarðarförina þar sem Flugfélagið leyfir óléttum konum ekki að fljúga síðustu 2 vikur meðgöngunnar...þannig að ég sat heima með krosslagðar lappir-vildi nú ekki fara að fæða meðan allir væru fyrir norðan. En allt gekk vel og ég var enn ólétt þegar Sigurgeir kom heim
Þannig að þetta voru frekar erfiðar 3 vikur í nóvember-svona andlega-en svo er bara að taka sig til í andlitinu og horfa fram á veginn Enda nóg að gerast framundan

Já, já....bara vika í settan dag....já bara 7 dagar Ótrúlegt en satt bara, en það er allavega allt tilbúið og við erum bara rosalega spennt
Erum að verða búin að undirbúa jólin líka...ég á bara eftir að kaupa handa foreldrunum mínum og er búin að ákveða það, þannig að það er bara að fara í búðina Svo á eftir að kaupa smá handa Sigurgeirs fjölskyldu...þannig að við erum bara í góðum málum. Er búin að föndra jólakortin en er ekki búin að skrifa inn í þau....get dundað mér við það í vikunni Er svo búin að baka fullt og gera konfekt og búa til aðventukransinn og erum að skreyta aðeins....þannig að daman má koma í heiminn og jólin líka
Ætlaði bara aðeins að láta vita af okkur....fer svo í mæðraskoðun á miðvikudaginn og þá kemur færsla á barnalandið Síðasta skoðunin á "venjulegum" meðgöngutíma...ótrúlegt bara
Kveð í bili
-Sunna Brá-

Já, já...desember er bara 17 dögum í burtu...er ekki alveg að trúa því að það sé svona stutt í jólamánuðin sjálfan, er búin að bíða eftir honum í svo marga mánuði
Það er svo sem ekki mikið að frétta héðan frekar en vanalega. Er bara farin að undirbúa jólin og viðbótina í familíuna Ómægat hvað ég hlakka til, er alveg að springa bara úr spenningi skal ég segja ykkur. Svo hlakka ég reyndar rosalega til á sunnudaginn klukkan 00:00...þá lýkur formlegri yfirvinnu hjá Sigurgeiri...verður bara svona stundum og stundum en ekki ALLTAF Þannig að það er allt að gerast þessa dagana.
Ég var allt of dugleg í gær....gerði svo mikið að ég hef ekkert að gera í dag
Er búin að kaupa jólapappírinn og allt sem tilheyrir því, nokkrar jólagjafir og er alveg að klára restina fyrir dömuna, bara smáhlutir eftir.
Hehe....held að ég verði þá bara heima í dag í rólegheitum og saumi (hljóma eins og kona á elliheimili). Eða kannski held ég áfram að baka  Sigurgeir verður í fríi í kvöld þannig að það er algjör snilld.
En eins og ég segi þá bara hafði ég ekkert að gera og ákvað að setja inn smá færslu hér...allt í lagi að láta vita af sér þar sem það eru ekki allir sem nenna að lesa barnalandssíðuna. En það kemur færsla þar inn á morgun eftir skoðun Held ég fái bara skínandi skoðun, er svo hrikalega hress og mér líður voðaleg vel eitthvað og ég er farin að stækka aftur, þannig að ég held að það verði bara gaman í skoðuninni
Annars segi ég bara hafið það gott og endilega kvittið ef þið kíkið við
Kveðja,
Sunna Brá.....aðeins 26 dagar í settan dag

Halló, halló

Jæja, þá er smá færsla.....ekki af spítalanum sem betur fer
Það er svo sem ekki mikið að frétta, ég má bara ekkert vinna og það eru þrjár vikur búnar af veikindafríinu og það eru nokkrar eftir....eða þangað til að daman kemur í heiminn
Það gerist svo sem ekki mikið hér innandyra....hehe, fréttir frá mér eru kannski hversu oft daman fékk hiksta eða á hversu marga Friends-þætti ég horfði eða eitthvað álíka...þannig að ég er ekki mjög skemmtileg þessa dagana. Reyni nú samt að kíkja eitthvað út svona annan hvern dag, bara í örstutta stund...
Sigurgeir er svo algjör vinnualki þessar vikurnar...fyrirtækið sem hann vinnur hjá (Rönning) er að flytja í nóvember og þeir eru allir að vinna og vinna til að undirbúa það og gera allt tilbúið...þannig að hann fer út fyrir hálf-átta á morgnana og kemur heim milli níu og tíu á kvöldin Hefði svo sem alveg verið til í að þetta hefði verið fyrr svo hann gæti bara komið heim til mín klukkan fimm á daginn og verið með mér í mat og svo á kvöldin.....en nei, þetta þurfti akkúrat að gerast núna þannig að ég er ein í mat og ein á kvöldin.....en ég er nú orðin ansi klár í að finna mér eitthvað að gera....þó það komi einn og einn dagur sem mér bara hundleiðist....hefur einn dagur verið þannig

En ég var bara dugleg í dag, þvoði tvær þvottavélar af pínulitlum fötum fyrir dömuna Ohhh, snúrurnar hafa aldrei verið svona sætar Svo kláraði ég að setja saman síðustu skúffuna fyrir skiptiborðið, þannig að það er nú bara tilbúið Og að lokum þá bakaði ég fyrstu sortina fyrir jólin.....og það er komið í kökudunk
Þannig að ég hef allavega gert eitthvað í dag í snjókomunni Er svo að hugsa um að fara að sauma aðeins....áður en ég fæ mér að borða

Langaði bara svona að setja smá update á síðuna......ég skrifa svo á miðvikudögum á barnaland.....fer alltaf í skoðun á þeim dögum

Kveðja, í bili
Sunna Brá